15/11/21 Monday ka din | Saniya ko bukhar hona
Asalamo Alaikum kese ho ap sab? Umeed karti hon ap sab log bhi theek honge. Jesa ke ap sab logon ne title me padh Liya he, Monday wale din Saniya ko phir se bukhar aagaya.
 |
| 15/11/21/-Monday-ka-din-|-Saniya-ko-Bukhari-hona |
Hua kuch is tarh
Hua kuch is tarh subh school jate waqt Saniya ki tabiat bilkul set thi, us waqt Saniya bilkul sahi thi. Koi us ko bukhar-wukhar nahi tha. Jese he wo school se wapis aai, us ne usi waqt Rona shuroo kar diya, mene us se poocha kiya hua he, to wo kehne lagi mere sar me shadeed dard ho Raha he. Jab mene Saniya ko hath lagaya, to mene mehsoos kiya ke us ko to bukhar he. Aj se pehle wo Kabhi itna zor se sar dard ke liye nahi roi jitna wo Aj roi thi. Saniya ke rone ne to mujhe bhi pareshan kar diya.
Sar dard ki dawai ka na hona
Mene Saniya ko relax hone ke liye kaha lekin wo khamosh he nahi ho rahi thi, phir mene us ke bal khol liye or poni bhi us ke balon se nikal li. Phir jab mene sar dard ki dawai dekhi to wo bhi nahi thi, to mene apni jethani se poocha us ke pas bhi nahi thi, phir me apni nand se lekar aae.
Mene samjha
Mene samjha shayed mene usko Kas ker uski poni ki ho, kiya pata us ke balon me poni ki sakhti hogi is liye us ko sar me dard hoga. Is liye mene us ke ball bhi khol liye. Lekin us ka Rona badastoor Raha. Mene kaha us ko dopahar ka khana khila ker dawai Pilati hon. Lekin tab tak Saniya so gae.
Dawai pilana
So ker jab Saniya uthi. Phir se Saniya ne Rona shuroo kardiya phir jese tese kar ke Saniya ko khana khila ker dawai pilai. Bukhar ki alg or sar dard ki alg dawai pilai. Us ke bad wo taqreeban 1 ghante ke liye so gae. Jab wo jagi to mene us se poocha ab kese tabiat he tumhari, to wo kehne lagi ab mere sar me dard nahi he. Or meri tabiat bhi thek he.
Tuition or Quran ki chutti
Us din Saniya ki tabiat sahi nahi thi is liye mene us ki Quran or tuition ki chutti karwai.
comment 0 comments
more_vert